თბილისის საქალაქო სასამართლოს ფოიეში ხმაურია. მანდატურის სამსახურის თანამშრომლებსა და მოქალაქეებს შორის ფიზიკური დაპირისპირება მოხდა.
არსებული ინფორმაციით, ერთი მოქალაქე მანდატურის სამსახურის თანამშრომლებმა ადგილიდან გაიყვანეს. გარდა ამისა, ისინი ატოვებინებენ მოქალაქეებს შენობას.
პარალელურად საქალაქო სასამართლოში პოლიციელზე თავდასხმაში ბრალდებული 21 წლის მათე დევიძის პროცესი მიმდინარეობს. სასამართლო პროცესს მეხუთე პრეზიდენტი სალომე ზურაბიშვილი ესწრება.
ამასთან, სასამართლოს ეზოში პოლიციაა მობილიზებული.