აღსრულების ეროვნული ბიუროს თავმჯდომარედ ლაშა მოძღვრიშვილი დაინიშნა. ბიუროს თანამშრომლებს ახალი ხელმძღვანელი იუსტიციის მინისტრმა პაატა სალიამ და მინისტრის პირველმა მოადგილემ, ლაშა მაღრაძემ წარუდგინეს.
ლაშა მოძღვრიშვილს აღსრულების ეროვნულ ბიუროში მუშაობის მრავალწლიანი გამოცდილება აქვს. მათ შორის, მუშაობდა აღმასრულებლად და კახეთის სააღსრულებო ბიუროს უფროსად.
აღსრულების ეროვნული ბიუროს თავმჯდომარის პოზიციაზე დანიშვნამდე, 2021 წლიდან, აღსრულების ეროვნული ბიუროს თავმჯდომარის მოადგილის თანამდებობას იკავებდა.