საერთაშორისო ფესტივალი “თეატრალური იმერეთი” გრძელდება. მესხიშვილის თეატრმა ზესტაფონის სახელმწიფო პროფესიულ თეატრს უმასპინძლა. დამსწრე საზოგადოებამ უკვდავი სპექტაკლი, „ყვარყვარე თუთაბერი“ განახლებული ელემენტებით იხილა.
მედროვეობა, ტყუილი, პირფერობა, ცრუპატრიოტიზმი – ეს ყველაფერი დღევანდელი საზოგადოებისთვისაც არ არის უცხო, თუმცა თანამედროვე „ყვარყვარე თუთაბერი“ მაინც განსხვავებულია თავისი წინამორბედისგან, რადგან აქ მოქმედება ხდება 21-ე საუკუნის საქართველოში და სწორედ ამ საუკუნის ადამიანთა მანკიერ თვისებებს ავლენს.
რეჟისორმა ვატო ჯუღელმა საზოგადოებას “ყვავრყვა თუთაბერი” მუსიკალურ სატირად წარუდგინა და მაყურებელი ნამდვილად მოაჯადოვა.
ზესტაფონის სახელმწიფო პროფესიული თეატრის სპექტაკლი „ყვარყვარე თუთაბერი“ თეატრალური ფესტივალის “უშანგის” გრანპრის მფლობელია.
რაც შეეხება საერთაშორისო ფესტივალს “თეატრალური იმერეთი” იგი 2 ივლისს გამარჯვებულების გამოვლენით დასრულდება. ფესტივალი იმერეთში უკვე მეთექვსმეტედ იმართება.