ომის ვეტერანს, უკრაინის სპეციალური ოპერაციული ძალების ქართული ჯგუფის ხელმძღვანელს და ვიცე-პოლკოვნიკს ვანო ნადირაძეს დღეს დაკრძალავენ.
გასვენება ქაშვეთის ტაძრიდან ორ საათზე დაიწყება.
რამდენიმე დღეა, ქართველი ჯარისკაცის სამოქალაქო პანაშვიდზე, ხალხის ნაკადი არ წყდება. უკანასკნელ გზაზე ვანო ნადირაძეს ოჯახის წევრები, მეგობრები და თანამებრძოლები აცილებენ.
უკრაინის სპეციალურ ოპერაციულ ძალებში ქართული ჯგუფის ხელმძღვანელის, ვიცე-პოლკოვნიკ ვანო ნადირაძის გარდაცვალების შესახებ ინფორმაცია 22 ივნისს გავრცელდა. არსებული ინფორმაციით, გარდაცვალების მიზეზი გულის შეტევა გახდა.