„აჭარა თაიმსის“ ინფორმაციით, ხელვაჩაურში, ადიდებული მდინარე ჭოროხის კალაპოტში მანქანით ერთი ადამიანი ჩარჩა. შემთხვევა მახოს ხიდის მიმდებარედ მოხდა, სადაც ამ დროისთვის მაშველები მუშაობენ.
თვითმხილველების თქმით, წყალში ჩარჩენილი ავტომობილი სავარაუდოდ ტაქსის მძღოლს ეკუთვნის, რადგან მასზე კერძო კომპანიის რეკლამებია განთავსებული.
საგანგებო სიტუაციების მართვის სამსახურის ინფორმაციით, მოქალაქეს საფრთხე არ ემუქრება და მიმდინარეობს სამაშველო ოპერაცია.
Discussion about this post