აქტივისტი ნიკა ნარსია პირდაპირ აეროპორტში დააკავეს – გზის გადაკეტვის გამო „ჯარიმებისთვის“, – ამის შესახებ საქართველოს მეხუთე პრეზიდენტი, სალომე ზურაბიშვილი X-ზე წერს.
„აქტივისტი ნიკა ნარსია პირდაპირ აეროპორტში დააკავეს – გზის გადაკეტვის გამო „ჯარიმებისთვის“. მისი ერთადერთი დანაშაული ის არის, რომ დამორჩილებაზე
უარი თქვა. ავტორიტარული რეჟიმები თავისუფალი მოქალაქეების შიშით საკუთარ თავს ყოველთვის ამხელენ“, – წერს სალომე ზურაბიშვილი.
შეგახსენებთ, ორი დღის წინ თბილისის საქალაქო სასამართლოს მოსამართლე ლელა ცაგარეიშვილმა ნიკა ნარსია ადმინისტრაციულ სამართალდამრღვევად ცნო და 15 დღიანი ადმინისტრაციული პატიმრობა შეუფარდა. გადაწყვეტილების გამოცხადებას ნიკა ნარსია არ დასწრებია.
დღეს, სამართალდამცველებმა სამოქალაქო აქტივისტი ნიკა ნარსია თბილისის საერთაშორისო აეროპორტში მაშინ დააკავეს, როდესაც ის ქვეყანაში შემოდიოდა.
Discussion about this post