იუმორისტ ონისე ოქრიაშვილზე თავდასხმის ბრალდებით დაკავებულისთვის პროკურატურა 5 000-ლარიან გირაოს მოითხოვს .ამის შესახებ პროკურატურის განცხადებაშია საუბარი:
“საქართველოს პროკურატურამ ონისე ოქრიაშვილის მიმართ ჩადენილი ძალადობის ფაქტზე დაკავებულს ბრალდება წარუდგინა. შინაგან საქმეთა სამინისტროს მიერ ჩატარებული გამოძიებით დადგინდა, რომ 2026 წლის 22 ივლისს, ღამის საათებში, თბილისში, ქართველი მწერლის ნოდარ დუმბაძის შეურაცხყოფის გამო, ბრალდებული ფიზიკურად გაუსწორდა ონისე ოქრიაშვილს, რომელსაც ხელი რამდენჯერმე დაარტყა თავის დასხეულის სხვადასხვა არეში, რის გამოც დაზარალებულმა ფიზიკური ტკივილი განიცადა.
სამართალდამცავებმა ბრალდებული მომხდარი ფაქტიდან რამდენიმე საათში დააკავეს. მას ბრალდება საქართველოს სისხლის სამართლის კოდექსის 126 -ე მუხლის პირველი ნაწილით (ძალადობა) წარედგინა. პროკურატურა ბრალდებულისთვის აღკვეთის ღონისძიების სახით პატიმრობის უზრუნველყოფით 5000 ლარის ოდენობით გირაოს შეფარდების შუამდგომლობით სასამართლოს კანონით დადგენილ ვადაში მიმართავს” -ნათქვამია გავრცელებულ ინფორმაციაში
იუმორისტ და აქტივისტ ონისე ოქრიაშვილს თავს 22 ივლისს დაესხნენ. მას სამი პირი ფიზიკურად საკუთარ საცხოვრებელ სახლთან გაუსწორდა. ოქრიაშვილზე თავდასხმის ბრალდებით 1 პირი – ნიკოლოზ ხურცილავა – დააკავეს
Discussion about this post