თელავში ავარიის შედეგად 3 ადამიანი დაშავდა .ინფორმაციას ადგილობრივი გამოცემა მთავარი ამბები კახეთიდან ავრცელებს და წერს, რომ ავტოსაგზაო შემთხვევა გვიან ღამით სოფელ კონდოლთან მოხდა. მათივე ცნობით, ერთმანეთს BMW-სა და Opel-ის მარკის მსუბუქი ავტომობილები შეეჯახა, რის შემდეგაც მანქანები იქვე გაჩერებულ სატვირთოებს დაეჯახა, რამაც მთლიანობაში ოთხი სატრანსპორტო საშუალება დააზიანა
გამოცემა წერს, რომ მიღებული ტრავმების გამო, დაშავებულებს ჰოსპიტალიზაცია დასჭირდათ. თელავის რეფერალური საავადმყოფოს მენეჯერის, ხათუნა ჭონიაშვილის ინფორმაციით, ახალგაზრდა კაცს სიცოცხლესთან შეუთავსებელი დაზიანებები არ აქვს და მკურნალობის კურსს განაგრძობს. მეორე დაშავებული, ასაკოვანი კაცი, თელავის ცენტრალურ საავადმყოფოში იმყოფება და ექიმების განმარტებით, მძიმე ტრავმები არ აღენიშნება. დამაკმაყოფილებელია მესამე დაშავებულის ჯანმრთელობის მდგომარეობაც.
Discussion about this post