“ეს არ არის ცალკეული ადამიანების ინიციატივები, რაც უკავშირდება ჩვენი საზოგადო მოღვაწეების შეურაცხყოფას, ჩვენი ისტორიული ფიგურების შეურაცხყოფას, მათ შორის დიდი მეფეების, წმინდანების შეურაცხყოფას… ესეც არის გარე დაკვეთა. ჩვენ რომ ვსაუბრობთ გარედან თავსმოხვეულ სიძულვილზე, ესეც არის ამის გაგრძელება. ამ ადამიანების, ამ ძალების მიზანია, რომ საქართველოში არ არსებობდეს არაფერი წმინდა, ქვეყანას არ ჰქონდეს იდენტობის საყრდენი და თქვენ იცით, რომ ზოგადად ისტორიული მოღვაწეები, საზოგადო მოღვაწეები, ისინიც არიან ნებისმიერი ერის იდენტობის საყრდენი. და სწორედ იმისათვის, რომ შეარყიონ ჩვენი ქვეყნის ეროვნული იდენტობა, ისინი თავს ესხმიან ჩვენს საზოგადო მოღვაწეებს, ისტორიულ ფიგურებს… ამასაც უნდა დავუპირისპირდეთ, ისევე როგორც საჭიროა დაპირისპირება სიძულვილის მიმართ, საჭიროა ასევე დაპირისპირება იმ ყველაფრის მიმართ, რაც ორგანიზებულად ხორციელდება საქართველოში გარე დაკვეთით. ამას აკეთებს უცხოური აგენტურა… ჩვენ, რა თქმა უნდა, ყველანაირად უნდა დავუპირისპირდეთ ამ ყველაფერს, თუმცა, ეს ყველაფერი უნდა მოხდეს, რა თქმა უნდა, კანონის შესაბამისად, კანონის ჩარჩოებში და მათ შორის კანონმდებლობის მოწესრიგებით. ამაზე ჩვენ აქტიურად უნდა ვიმსჯელოთ”. ამბობს კობახიძე და ეკლესიის, ეროვნული გმირების, ქართული ენის, ისტორიული მემკვიდრეობისა და ტრადიციული ღირებულებების დაცვის მოტივით შექმნილი ახალი საინიციატივო ჯგუფის მოთხოვნას ეხმაურება, რომლებიც საკანონმდებლო რეგულაციების გამკაცრებას ითხოვენ
ახალი საინიციატივო ჯგუფის შექმნის შესახებ განცხადება 30 ივლისს მსახიობმა გიორგი შანიძემ, რეჟისორმა გიორგი სიხარულიძემ და ბათუმის თეატრის დირექტორმა, კოტე მჟავიამ გააკეთეს
Discussion about this post