“მე მათი სისხლი არ მწყურია, მე სამართალი მინდა. მე შურისმაძიებელი არ ვარ, სამართლის მაძებარი ვარ. რომ არ დამდგარიყო სახელმწიფო სამართალი, მე ვიძიებდი შურს და გიგა ავალიანის წილ სისხლს ავიღებდი. შევაკვდებოდი ამ ყველაფერს, მაგრამ ხალხმა ზურგი გამიმაგრა. მათი თანადგომა ჩემთვის იყო ყველაზე ძლიერი საყრდენი, რაც კი ვინმეს წარმოგიდგენიათ. მე გიგა ავალიანის ღირსებას ვიცავ, მისი სიცოცხლე ვერ დავიცავი. არავინ და არაფერი უკან არ დამხევს. ასეთი პატარა ბრძოლა რომ მაშინებდეს, ბრძოლაში არ შევიდოდი. ცოცხალი დავრჩი გიგასთვის, ვიბრძოლებ მისთვის, ცხოვრებაში ჩემი მისია მაქვს. თუკი ვინმეს ჰგონია, რომ ეს არის შურისძიება, დაარქვან სახელი, ჩემთვის ეს სადისტურად მოკლული, უდანაშაულო შვილის მოკვლისთვის სამართლის პოვნაა“ ამბობს მოკლული მასწავლებლის, გიგა ავალიანის დედა, ეკა კუპატაძე “პალიტრანიუსთან” ინტერვიუში.
გუშინ გიგა ავალიანის მკვლელობის საქმეზე დააკავეს ნია იმნაძე და ანასტასია ბერუაშვილი.
Discussion about this post