მთავრობამ გზების მოვლა-პატრონობის კომპანია შექმნა. ინფორმაციას BMG ავრცელებს და წერს, რომ ირაკლი კობახიძის 1586-ე განკარგულების მიხედვით, შპს „საქართველოს გზების ოპერატორის“ 100%-იანი წილი სახელმწიფოსგან მართვის უფლებით ინფრასტრუქტურის სამინისტროს გადაეცა. კომპანია უწყებას უსასყიდლოდ გადაეცა. სწორედ ეს კომპანია უზრუნველყოფს გზების მოვლას.
საერთაშორისო და შიდასახელმწიფოებრივი მნიშვნელობის გზების მოვლა-შენახვის მიზნით ახალი სახელმწიფო კომპანიის დაფუძნების შესახებ მიმდინარე წლის ივნისში გახდა ცნობილი. საკანონმდებლო ცვლილებების მიხედვით, ახალი კომპანიის დასაფუძნებლად დაახლოებით 63 მილიონი ლარის საწყისი კაპიტალური ინვესტიციაა გათვალისწინებული.
Discussion about this post