პოლონეთმა საქართველოს მოქალაქეებს უვიზო დასაქმება შეუზღუდა: 2026 წლის 22 აგვისტოდან ძალაში შედის საგარეო საქმეთა და შრომის სამინისტროების ახალი ბრძანებულებები. საქართველოს, კოლუმბიისა და ვენესუელის მოქალაქეებს პოლონეთში უვიზო მიმოსვლის ფარგლებში მუშაობის უფლება აღარ ექნებათ.
„პოლონეთის რესპუბლიკის ტერიტორიაზე უცხოელთათვის სამუშაოს მინდობის დაშვების პირობების შესახებ“ 2025 წლის 20 მარტის კანონის მე-3 მუხლის მე-4 პუნქტის საფუძველზე (Dz. U. მუხ. 621 და 1794, ასევე 2026 წლის მუხ. 203, 473 და 734) განისაზღვრება შემდეგი:
უვიზო მიმოსვლის ფარგლებში პოლონეთის რესპუბლიკის ტერიტორიაზე ყოფნისას, სამუშაო ნებართვის საფუძველზე შრომითი საქმიანობის განხორციელების უფლება არ აქვთ: ვენესუელის ბოლივარიანული რესპუბლიკის მოქალაქეებს; საქართველოს მოქალაქეებს;
კოლუმბიის რესპუბლიკის მოქალაქეებს.
ზემოაღნიშნული ქვეყნების ის მოქალაქეები, რომლებიც ფლობენ სამუშაო ნებართვას და რომლებმაც უვიზო მიმოსვლის ფარგლებში პოლონეთის რესპუბლიკის ტერიტორიაზე ყოფნისას მუშაობა დაიწყეს ამ ბრძანებულების ძალაში შესვლამდე, უფლება აქვთ გააგრძელონ იგი არსებული წესებით უვიზო მიმოსვლის ფარგლებში ყოფნის ვადის ამოწურვამდე.“ – ვკითხულობთ პოლონეთის უწყების გვერდზე გამოქვეყნებულ განკარგულებაში.
Discussion about this post