“სუნი იგრძნო მეზობელმა. დაახლოებით 4-5 დღე არ ჩანდნენ. ექსპერტიზას წაღებული აქვს ყველაფერი – საჭმელი, წყალი და პასუხებს თუ დაველოდებით ისინი უკეთ იტყვიან” – ამბობს TV პირველთან სოფელ ყულიშკარის გამგებელი ლადო შველიძე.
ზუგდიდის სოფელ ყულიშკარში დღეს 3 დის ცხედარი იპოვეს. გარდაცვლილები არიან ნაირა, დალი და ლორიტა როგავები. ზუსტი მიზეზი უცნობია, თუმცა ერთ – ერთ ვერსიად კვებითი ინტოქსიკაცია სახელდება. მთავარის ინფორმაციით, ცხედრები იმდენად მძიმე მდგომარეობაშია, რომ ექსპერტიზის შემდეგ პირდაპირ სასაფლაოზე გადაასვენებენ და დაკრძალავენ.
როგავები რამდენიმედღიანი გაუჩინარების შემდეგ მეზობლებმა მოიკითხეს, მათთან სახლში შევიდნენ და 65-70 წლის ასაკის დები გარდაცვლილები ნახეს.
გამოძიება სსკ-ის 115-ე მუხლით დაიწყო.
Discussion about this post