აშშ-მა იმ უცხოური ბანკების დასანქცირება დაიწყო, რომლებიც ირანს ამერიკული დოლარით ვაჭრობასა და სანქციების გვერდის ავლით ფულის ბრუნვაში ეხმარებიან. აშშ-ს ფინანსური სისტემიდან გათიშეს საამიროებში მდებარე უმსხვილესი ეგვიპტური ბანკის – Banque Misr UAE-ს ფილიალი.
“ხაზინამ პირობა დადო, რომ გადაჭრიდა ყველა ეკონომიკურ სასიცოცხლო ხაზს, რაც კი თეირანს დარჩა და საბოლოოდ მოუღებდა ბოლოს ირანის რეჟიმისგან მომავალ საფრთხეს. ჩვენ ასევე გავაფრთხილეთ ირანის ხელშემწყობები, რომ ისინი ვეღარ გააგრძელებდნენ წვდომას აშშ დოლარსა და გლობალურ ფინანსურ სისტემაზე. Banque Misr UAE-მ გადაწყვიტა, ეს საკუთარ თავზე, მწარედ გამოეცადა და დღეს ჩვენ გადავდგამთ პირველ ნაბიჯს, რათა მას პასუხი მოვთხოვოთ ირანის რეჟიმის მუდმივი და მზარდი მხარდაჭერისთვის.“ -წერს X-ზე აშშ-ის ფინანსთა მინისტრი, სკოტ ბესენტი.
გარდა ამისა, აშშ-ის უცხოური აქტივების კონტროლის ოფისმა [OFAC] სანქციები დაუწესა ირანული ბანკის – Bank Melli-ს დუბაის ფილიალის მენეჯერს, რეზა მოჰამად თაედის და ჰონგ-კონგში ბაზირებულ ფიქტიურ კომპანიას, რომელიც, OFAC-ის ცნობით, ირანულ სანქცირებულ სავალუტო პუნქტს ფულის გათეთრებაში ეხმარებოდა.
Discussion about this post