მკვლელს თან ახლდა ორი მეგობარი (სახელებსა და გვარებს ჯერ არ ვწერ), რომლებმაც დაინახეს, თუ როგორ მოკლა ბავშვი და გაიქცნენ.
მათ გაქცევაზე ახლა არ ვწერ ( შეუტყობინებლობაც არაა პოლიცია მაშინვე მივიდა).
მინდა გითხრათ, რა მოხდა შემდეგ: ეს არსებები სახლში მივიდნენ, დაწვნენ და დაიძინეს. მშვიდად და ტკბილად ეძინათ, სანამ პოლიცია არ მივიდა და ჩვენების მისაცემად განყოფილებაში წასაყვანად არ გააღვიძა.
თქვენ, ვინც მათი მეგობრები და ოჯახის წევრები ხართ, იაზრებთ, რა დონის საზიზღარი და გულქვა ადამიანები გყავთ ახლობლად?” | წერს თბილისში მოკლული 17 წლის ბიჭის, დათო ნარიმანიძის ნათესავი, მაკა მხატვრიშვილი სოციალურ ქსელში.
10 სექტემბერს შსს-მ გაავრცელა ინფორმაცია, რომ გამთენიისას თბილისში 17 წლის ბიჭი ცივი იარაღის გამოყენებით მოკლეს. შსს-ს ცნობითვე, განზრახ მკვლელობის ბრალდებით არასრულწლოვანი დააკავეს. მოგვიანებით აღმოჩნდა, რომ მოკლული არასრულწლოვანი 17 წლის დათო ნარიმანიძეა.
Discussion about this post