ჩრდილოეთ კორეის ლიდერმა, კიმ ჩენ ინმა შემტევი დრონების წარმოების ხაზი დაათვალიერა . ადგილობრივი გაზეთის ინფორმაციით, ბოლო დღეების განმავლობაში მან რამდენიმე მსხვილი საბრძოლო მასალების ქარხანა დაათვალიერა. სახელმწიფო მედიის შაბათის ცნობით, მან მოუწოდა საწარმოებს საწარმოო სიმძლავრეების გაფართოებისაკენ, ასევე შეიარაღების სისტემების მოდერნიზაციისაკენ, მათ შორის ხელოვნური ინტელექტისა და ავტომატიზაციის გამოყენებით.
ადგილობრივი გაზეთის ინფორმაციითვე, მან განაცხადა, რომ ჩრდილოეთ კორეის არტილერიას უნდა გააჩნდეს „კონცენტრირებული, საგრძნობლად დამანგრეველი, მასშტაბური და მრავალმხრივი თავდასხმის შესაძლებლობები“. ასევე, მან “აღნიშნა, რომ ქვეყნის არსებული და მოსალოდნელი სამხედრო შესაძლებლობები ეტაპობრივად გააუფასურებს და მოძველებულს გახდის მოწინააღმდეგეების სამხედრო სისტემებს”.
Discussion about this post