რუსეთის სახელმწიფო სტატისტიკის ფედერალური სამსახურის ვებგვერდის მონაცემებით, რუსეთმა ომში 450 000 ადამიანი დაკარგა .ინფორმაციას რუსული მედია Moscow Times ავრცელებს და წერს, რომ ამ რაოდენობით ომი 2022 წლიდან რუსეთში სიკვდილიანობის მეოთხე ყველაზე გავრცელებულ მიზეზად და მეორე მსოფლიო ომის შემდეგ ქვეყნის ყველაზე სისხლისმღვრელ კონფლიქტად იქცა. მათივე ცნობით, რუსეთს 2022 წლის სექტემბრის შემდეგ დანაკარგები ოფიციალურად არ გამოუქვეყნებია და დამოუკიდებელ შეფასებებს არასანდოდ მიიჩნევდა.
1 ნოემბერს რუსეთის სახელმწიფო სტატისტიკის ფედერალური სამსახურის ვებგვერდი [როსსტატი] დაჰაკეს. როსსტატის ვებგვერდზე ბელარუსულ ენაზე გამოჩნდა წარწერა – „პასუხისმგებლობას თავს ვერავინ აარიდებს“. დაიდო ჰაკერული დაჯგუფება Cyberpartisans BY და Silent Crow ლოგოებიც. დაჯგუფება Silent Crow-მ განაცხადა, რომ როსსტატის შიდა IT-ინფრასტრუქტურა გაანადგურეს და წვდომა მოიპოვეს 23 ტერაბაიტი მოცულობის საიდუმლო ინფორმაციაზე. მათი მტკიცებით, მოპარულ ფაილებს შორისაა ეკონომიკური მონაცემთა ბაზები, აღწერის შედეგები და ყველაზე მნიშვნელოვანი – უკრაინის ომში რუსეთის რეალური სამხედრო დანაკარგების ამსახველი სტატისტიკა.
Discussion about this post