ირაკლი ღარიბაშვილმა გამომძიებლებთან გასაუბრებაზე უარი თქვა – ყოფილი პრემიერი პროკურატურისგან გამოძიების დაწყებას ითხოვს .საგამოძიებო უწყების წარმომადგენლებს შორის დაგეგმილი შეხვედრა არ შედგა, რადგან დაცვის მხარის განცხადებით, კანონმდებლობა „გასაუბრების“ ფორმატს არ ითვალისწინებს.
რუსთავის მე-12 პენიტენციური დაწესებულებიდან გამოსვლის შემდეგ, ყოფილი პრემიერის ადვოკატმა, სოსო ბარათაშვილმა განმარტა, რომ სისხლის სამართლის საპროცესო კოდექსი მსგავს ნორმას არ შეიცავს. მისი თქმით, იმ შემთხვევაში, თუ პროკურატურა ოფიციალურ გამოძიებას დაიწყებს, ირაკლი ღარიბაშვილი მზად არის, ჩვენება მაგისტრატი მოსამართლის წინაშე მისცეს.
ადვოკატის განცხადებით, იგი პენიტენციური დაწესებულებიდან პირდაპირ გენერალურ პროკურატურაში მიემართება, სადაც გენერალური პროკურორის სახელზე ოფიციალურ განცხადებას შეიტანს და გამოძიების დაწყებას მოითხოვს -IPN

Discussion about this post