ხარაგაულის მერია სამწუხარო ინფორმაციას ავრცელებს .
ხარაგაულის საპატიო მოქალაქის , ხარაგაულის მერიის საფინანსო-საბიუჯეტო სამსახურის უფროსის ვლადიმერ გელაშვილის გარდაცვალების შესახებ ავრცელებს ინფორმაციას , ხარაგაულის მერი კობა ლურსმანაშვილი.
ღრმა მწუხარებას გამოვხატავ ღვაწლმოსილი საჯარო მოხელის, ხარაგაულის საპატიო მოქალაქის, ხარაგაულის მერიის საფინანსო-საბიუჯეტო სამსახურის უფროსის — ვლადიმერ გელაშვილის გარდაცვალების გამო.
ბატონი ვლადიმერი იყო თავისი საქმის პროფესიონალი, სამსახურის ერთგული, კეთილი და ღირსეული ადამიანი.ათეული წლების განმავლობაში პასუხისმგებლობით და პირნათლად ემსახურა საჯარო საქმეს, იგი უდიდესი პატივისცემით სარგებლობდა, როგორც თანამშრომლებს, ისე ხარაგაულელებს შორის.მისი გარდაცვალება დიდი დანაკლისია როგორც ოჯახის, ახლობლების, კოლეგებისა და მეგობრებისთვის, ასევე მთელი ხარაგაულისთვის.ხარაგაულის მუნიციპალიტეტის მერია თანაუგრძნობს და უსამძიმრებს ვლადიმერ გელაშვილის ოჯახს, ახლობლებსა და კოლეგებს.
მარადისობას კიდევ ერთი გამორჩეული და ღირსეული ხარაგაულელი შეუერთდა.ღმერთმა ნათელში ამყოფოს მისი სული. – ვკითხულობთ სამძიმრის პოსტში.
Discussion about this post