13 წლის გოგომ ნეპალში წყალდიდობის დროს 3 წლის ძმა გადაარჩინა .ინფორმაციას BBC ავრცელებს და წერს, რომ როდესაც წყალდიდობამ ბჰაისემდე მიაღწია, სონიკა ნაგარკოტიმ სამი წლის ძმა ხელში აიყვანა და აღმართზე გაიქცა. მათივე ცნობით, ბავშვის მშობლები უფროსი ვაჟის გარდაცვალების წლისთავისადმი მიძღვნილ რიტუალს ასრულებდნენ, როდესაც მიიღეს გაფრთხილება წყალდიდობასთან დაკავშირებით. სონიკამ და მისმა მშობლებმა ერთმანეთი დაახლოებით ერთ საათში იპოვეს.
“ჩემი მშობლები რიტუალით იყვნენ დაკავებული, როდესაც ვიღაც მოვიდა და გვითხრა, რომ წყალდიდობა იწყებოდა და უნდა გაქცეულიყავით. მაშინვე
ძმასთან ერთად აღმართზე გავქანდი. უკან რომ გავიხედე, ჩემი სახლი უკვე აღარ იყო, მხოლოდ მტვრის უზარმაზარი ღრუბლები დავინახე. იმ მომენტში ვერც კი ვაცნობიერებდი, რა ხდებოდა. მოგვიანებით, როდესაც მაღლობზე, უსაფრთხო ადგილს მივაღწიეთ, მაშინ გავიაზრე ყველაფერი და ტირილი დავიწყე“ -იხსენებს 13 წლის სონიკა ნაგარკოტი.
“წყალი როცა დავინახე მხოლოდ ქმრისთვის დაძახება და რამდენიმე ნაბიჯის გადადგმა მოვასწარი. შეუსვენებლივ ვყვიროდი ჩემი შვილების სახელებს… ერთ საათში საბოლოოდ დავუბრუნდი ჩემს ოჯახს” -ამბობს სონიკას დედა.
Discussion about this post