მაიამის საერთაშორისო აეროპორტში დაშვებისას Amazon Air-ის სატვირთო თვითმფრინავი დასაფრენ ზოლს გასცდა, რის შედეგადაც 5 ადამიანი დაიღუპა, ხოლო 5 მძიმედ დაშავდა . ინფორმაციას BBC ავრცელებს და წერს, რომ Boeing 767-300 ტიპის სატვირთო ხომალდი, რომელიც პუერტო-რიკოდან, სან-ხუანის აეროპორტიდან მოფრინავდა, ადგილობრივი დროით დაახლოებით 14:00 საათზე ჩამოვარდა. ინციდენტის დროს თვითმფრინავი ხმელეთზე რამდენიმე ავტომობილსაც შეეჯახა.
აშშ-ის სამოქალაქო ავიაციის ფედერალურმა ადმინისტრაციამ აეროპორტში ყველა ფრენა შეაჩერა. მაიამის სახანძრო სამსახურის უფროსის, რაიდ ჯადალას ცნობით, დაშავებულთაგან სამის მდგომარეობა კრიტიკულია. რამდენიმე დაზარალებული ხმელეთზე მდგარ ავტომობილებში ჩაიკეტა, ისინი მაშველებმა გამოიყვანეს.
სატვირთო რეისს ჩრდილოეთ კაროლინაში ბაზირებული ჩარტერული კომპანია 21 Air ახორციელებდა. 200-ზე მეტმა მეხანძრემ შეძლო თვითმფრინავზე გაჩენილი ძლიერი ხანძრის ლიკვიდაცია.
მწუხარება გამოთქვა Amazon-მა და აღნიშნა, რომ აქტიურად თანამშრომლობს ადგილობრივ ხელისუფლებასთან.
Discussion about this post