“ეს იყო მარტივი ტყუილი და სპეკულაცია. კომენტარების გაკეთება არც ღირს. მე ზოგადად შემიძლია გითხრათ, რომ არავითარი ცვლილება ამ წლების განმავლობაში საზღვრების დემარკაცია-დელიმიტაციის კუთხით არ განხორციელებულა. არავითარი ცვლილება არ განხორციელებულა არც ერთ ქვეყანასთან მიმართებით… რაც შეეხება ზოგადად დემარკაცია-დელიმიტაციას, მათ შორის, გარეჯის მონაკვეთს, არავითარი, არც წერილობითი, არც ზეპირი შეთანხმება არ ყოფილა და საერთოდ არ ყოფილა ამასთან დაკავშირებით რაიმე ხელშესახები პროგრესი. არის მარტივი ტყუილი და სპეკულაციები, რაც მარტივად გამომჟღავნდა” – ამბობს კობახიძე დავით გარეჯთან დაკავშირებით ბოლო დროს გააქტიურებულ საკითხთან დაკავშირებით.
ექსპრემიერმა ღარიბაშვილმა ციხიდან გავრცელებულ ერთ-ერთ წერილში დაწერა, რომ ირაკლი კობახიძისა და მამუკა მდინარაძის დავალებით მას გაზეთი “ასავალ-დასავალი” შეუგზავნეს და აჩვენეს მასში გამოქვეყნებული ინტერვიუ უფლებადამცველ ლაზარე ჯორბენაძესთან. ინტერვიუში ლაზარე ჯორბენაძე ამტკიცებდა, კობახიძემ ხელი მოაწერა დავით გარეჯის ტერიტორიის აზერბაიჯანისთვის გადაცემის დოკუმენტს.
Discussion about this post