მინდა შეგახსენოთ, თუ რატომ დაინიშნა 2014 წელს ფარცხალაძე-მიხეილ სააკაშვილი

“პრაქტიკულად ყველა ჩემი “საქმე” რაზეც “გამასამართლეს” და ახლაც “მასამართლებენ”, ხელმოწერილია ყოფილი გენპროკურორის და ამჟამად რუსულ ბატალიონ “გეორგიევსკის” მეთაურ ოთარ ფარცხალაძის მიერ. ასეთია “პიჯაკების”, გელაშვილის, შეწყალების და “7 ნოემბრის” საქმეები.
ის რომ ქოცები მისგან დისტანცირებას ცდილობენ სასაცილოც აღარაა. 14 სექტემბერს შედგება მორიგი “სასამართლო” სხდომა ჩემს წინააღმდეგ, ფარცხალაძის შეთითხნილ და ხელმოწერილ საქმეზე. თუ ივანიშვილს საკუთარი ოჯახის ნათელმირონ ოთოსგან დისტანცირება უნდა, ეს საქმე დაუყოვნებლივ უნდა დახუროს და ბოდიში მომიხადოს.
მინდა შეგახსენოთ, თუ რატომ დაინიშნა 2014 წელს ფარცხალაძე. ჯერ მაშინდელმა იუსტიციის მინისტრმა წულუკიანმა ჩამოიყვანა 21 ყოფილი დასავლელი პროკურორი, მათ ბიუჯეტიდან დიდი ფული გადაუხადეს ჩემი დევნის სამართლებრივი საფუძვლების შესაქმნელად. ამ ყოფილებმა ფული კი აიღეს, მაგრამ ბოდიშიო, სააკაშვილზე ვერაფერს ვპოულობთო და მაშინდელმა პროკურორმა, არჩილ კბილაშვილმაც უარი თქვა ჩემს დადანაშაულებაზე, ხოდა მოხსნეს და გაჭირვების ტალკვესად ფარცხალაძე გააძრეს და რა თქმა უნდა ამან ყველაფერი შეასრულა როგორც პატრონს სურდა.
ფარცხალაძე ჭორვილელის სისტემის და მემკვიდრეობის განუყოფელი ნაწილია და არც დიქტატორის ფინია კობახიძე საუბრობდა შემთხვევით “გეორგევსკზე”. ახლა ხომ გამოჩნდა რომ ამ გეოგრაფიული სახელის გახსენება არც კობახიძის და არც ფარცხალაძის ინიციატივაა, კვალი პირდაპირ კრემლში მიდის.“ – წერს მიხეილ სააკაშვილი სოციალურ ქსელში.