4 ოქტომბრის საქმეზე მსჯავრდებულები – მურთაზ ზოდელავა, ლაშა ბერიძე და გური ჟვანია საპროცესო შეთანხმებას ითხოვენ. ინტერპრესნიუსის ინფორმაციით, მათ ეს მოთხოვნა თბილისის სააპელაციო სასამართლოში მიმდინარე სხდომაზე დააყენეს
საქალაქო სასამართლოს გადაწყვეტილებით, მურთაზ ზოდელავას და ლაშა ბერიძეს 7-7 წლით, ხოლო გური ჟვანიას – 5 წლით თავისუფლების აღკვეთა აქვთ მისჯილი.
განცხადება გაავრცელა პროკურატურამ, სადაც უწყება აღნიშნავს, რომ საპროცესო შეთანხმების გაფორმების თაობაზე მურთაზ ზოდელავამ და ლაშა ბერიძემ მიმართეს:
💬 “სტრატეგიული და განსაკუთრებული მნიშვნელობის მქონე ობიექტის ხელში ჩაგდების მცდელობის, ჯგუფური ძალადობის ორგანიზების, ხელმძღვანელობის და მასში მონაწილეობის, ასევე საქართველოს კონსტიტუციური წყობილების ძალადობით შეცვლისკენ და სახელმწიფო ხელისუფლების დამხობისკენ საქვეყნოდ მოწოდების ფაქტებზე მსჯავრდებულებმა მურთაზ ზოდელავამ და ლაშა ბერიძემ აღიარეს ჩადენილი დანაშაული, მოინანიეს და პროკურატურას საპროცესო შეთანხმების გაფორმების თაობაზე შესაბამისი განცხადებებით მომართეს.
ბრალდების მხარის პოზიცია აღნიშნულ საკითხთან დაკავშირებით, მაღალი საჯარო ინტერესის გათვალისწინებით, გადაწყვეტილების მიღებისთანავე ეცნობება საზოგადოებას.
გვსურს შეგახსენოთ, რომ თბილისის საქალაქო სასამართლოს განაჩენით მურთაზ ზოდელავა და ლაშა ბერიძე დამნაშავედ იქნენ ცნობილი წარდგენილ ბრალდებებში და სასჯელის სახედ და ზომად 7-7 წლით თავისუფლების აღკვეთა განესაზღვრათ.“
Discussion about this post