აშშ-მ სავაჭრო ცენტრში მასობრივი სროლის დაგეგმვისთვის 18 წლის კაცი დააკავა .ინფორმაციას Reuters ავრცელებს და წერს, რომ კაცს მინესოტაში, მინეაპოლისთან მდებარე Mall of America-ში მასობრივი სროლა ჰქონდა დაგეგმილი. სასამართლოს დოკუმენტების თანახმად, კაცი თავდასხმის განხორციელებას „ისლამური სახელმწიფოს“ სახელით გეგმავდა.
მათივე ცნობით, შეიხდუნ აბდულაჰი მოჰამუდი მას შემდეგ დააკავეს, რაც აშშ-ის გამოძიების ფედერალური ბიუროს ფარულმა აგენტმა მას 600 დოლარად ავტომატი, საბრძოლო მასალა და მჭიდები მიჰყიდა. მოჰამუდმა ინფორმატორს უთხრა, რომ 24 ოქტომბრს სავაჭრო ცენტრში გამართულ ღონისძიებაზე 30-დან 60-მდე ადამიანის მოკვლას გეგმავდა. მისი თქმით, სავაჭრო ცენტრის მფლობელები ებრაელები იყვნენ და ამიტომ მათი მოკვლა სურდა.
Discussion about this post