„დღეს ამერიკის შეერთებული შტატების პრეზიდენტმა გამოაცხადა, რომ ენერგეტიკული ცეცხლის შეწყვეტა მიღწეულია. ეს ყველასთვის კარგი ამბავია. მნიშვნელოვანია, რომ ეს რეალობად იქცეს. უკრაინა მხარს უჭერს ცეცხლის შეწყვეტისა და ომის დასრულების ყველა რეალურ და საიმედო ფორმატს. უკრაინა მზად არის, არ მიაყენოს დარტყმები რუსულ ენერგეტიკას და ჩვენ იმედს ვამყარებთ რუსეთის ანალოგიურ მზაობაზე, ისევე როგორც ამ საკითხზე ამერიკის შეერთებული შტატების პრეზიდენტის შეთანხმებაზე. ჩვენ მივესალმებით ასეთ შეთანხმებას.
უკრაინამ დეესკალაციის ბევრი გზა შესთავაზა, მაგრამ პუტინმა ყველაფერზე ერთი რამ თქვა: – „არა“. ჩვენ ნამდვილად ვიმედოვნებთ, რომ ის საბოლოოდ ეტყვის ამერიკას, უკრაინას და მთელ მსოფლიოს რაღაც განსხვავებულს. რაღაცას მკვლელობისა და ტყუილის გარდა. რაღაცას, რაც რეალურ და ღირსეულ მშვიდობამდე მიგვიყვანს. უკრაინას მშვიდობა სურს. კითხვა ისმის, სურს თუ არა ეს რუსეთს.
უკრაინის შეიარაღებულმა ძალებმა მიიღო ყველა შესაბამისი ბრძანება. ჩვენ ვიცავთ უკრაინას. ჩვენ ვიბრძვით უკრაინის მხარდაჭერისთვის. ჩვენ მხარს ვუჭერთ პარტნიორების ყველა ნაბიჯს, რომლებსაც შეუძლიათ დაგვეხმარონ. ჩვენ მოუთმენლად ველით ამერიკის დიალოგის დეტალებს რუსეთთან და პუტინისგან იმას, რაც პრეზიდენტმა ტრამპმა თქვა. მადლობა ჩვენს ჯარისკაცებს და ყველას მსოფლიოში, ვინც ჩვენთანაა, უკრაინასთან ერთად! დიდება უკრაინას!” – განაცხადა უკრაინის პრეზიდენტმა ზელენსკიმ გავრცელებულ ვიდეომიმართვაში
Discussion about this post