ევროკავშირმა უკრაინას თავდაცვისთვის 2.86 მილიარდი ევრო გამოუყო . ინფორმაციას უკრაინული მედია ევროკომისიის პრეზიდენტის, ურსულა ფონ დერ ლაიენის განცხადებაზე დაყრდნობით ავრცელებს და წერს, რომ ეს დაფინანსება ევროკავშირის მიერ ადრე შეთანხმებული 90 მილიარდი ევროს ოდენობის სესხის ნაწილია.
“ევროპის ურყევი მხარდაჭერა უკრაინის მიმართ ახლა უფრო მნიშვნელოვანია, ვიდრე ოდესმე. რათა დავეხმაროთ მისი ცის დაცვაში, სიცოცხლის გადარჩენასა და მიწის დაცვაში“ -განაცხადა ევროკომისიის პრეზიდენტმა.
ფონ დერ ლაიენმა აღნიშნა, რომ დღევანდელი ტრანში უკრაინის ყველაზე გადაუდებელ ოპერატიულ საჭიროებებს, კერძოდ, დრონებისა და რაკეტების კუთხით, დაფარავს.
Discussion about this post