ბოლო 8 თვეში საქართველომ 8 მლნ აშშ დოლარზე მეტი ღირებულების ხახვი შეიძინა

ბოლო 8 თვეში საქართველომ 8 მლნ აშშ დოლარზე მეტი ღირებულების ხახვი შეიძინა . ინფორმაციას BPN ავრცელებს და წერს, რომ 2026 წლის იანვარ-აგვისტოში საქართველომ რეკორდული რაოდენობის – 33 270 ტონა ხახვი შეიძინა. საქსტატის მონაცემებით, სექტემბერში ხახვი წლიურად ყველაზე მეტად გაძვირებულ პროდუქტებს შორის მეოთხე ადგილს იკავებს – მისი ფასი 36.2%-ით არის გაზრდილი.

შედარებისთვის, გასული წლის იანვარ-აგვისტოში საქართველომ 30 789 ტონა ხახვი შეიძინა, რომლის ღირებულებამ 7.366 მლნ აშშ დოლარი შეადგინა. 2024 წლის ანალოგიურ პერიოდში იმპორტირებულია 25 969 ტონა, 6.686 მლნ აშშ დოლარის ღირებულების ხახვი, 2023 წლის რვა თვეში – 23 743 ტონა, 9.175 მლნ აშშ დოლარის ღირებულების პროდუქტი და ა.შ.

საქსტატის მონაცემებზე დაყრდნობით ხახვის იმპორტიორი ქვეყნების ხუთეული:

• აზერბაიჯანი – 25 231 ტონა (6.174 მლნ აშშ დოლარი);
• სომხეთი – 3 391 ტონა (834.8 ათასი აშშ დოლარი);
• თურქეთი -1 797 ტონა (434.8 ათასი აშშ დოლარი);
• უზბეკეთი -1 303 ტონა (320 ათასი აშშ დოლარი);
• ირანი – 432 ტონა (107.9 ათასი აშშ დოლარი).