რუსეთის სახელმწიფო სტატისტიკის ფედერალური სამსახურის ვებგვერდი როსსტატი დაჰაკეს

რუსეთის სახელმწიფო სტატისტიკის ფედერალური სამსახურის ვებგვერდი როსსტატი დაჰაკეს .დამოუკიდებელი რუსული გამოცემა Meduza-ს ინფორმაციით, როსსტატის ვებგვერდზე წარწერა – „პასუხისმგებლობას თავს ვერავინ აარიდებს“ – ბელარუსულ ენაზე გამოჩნდა. დაიდო ჰაკერული დაჯგუფება Cyberpartisans BY და Silent Crow ლოგოებიც

დაჯგუფება Silent Crow-მ განაცხადა, რომ როსსტატის შიდა IT-ინფრასტრუქტურა გაანადგურეს და წვდომა მოიპოვეს 23 ტერაბაიტი მოცულობის საიდუმლო ინფორმაციაზე. მათი მტკიცებით, მოპარულ ფაილებს შორისაა ეკონომიკური მონაცემთა ბაზები, აღწერის შედეგები და ყველაზე მნიშვნელოვანი – უკრაინის ომში რუსეთის რეალური სამხედრო დანაკარგების ამსახველი სტატისტიკა

კიბერთავდასხმა ოფიციალურად დაადასტურა როსსტატმაც განაცხადა, რომ „მიზანმიმართული დესტრუქციული კიბერთავდასხმები“ 29 ოქტომბრიდან 1 ნოემბრამდე პერიოდში უწყვეტად მიმდინარეობდა, შედეგად ოფიციალური ვებგვერდი მთლიანად გაითიშა. თუმცა უწყება ირწმუნება, რომ მონიტორინგის სისტემებმა დროულად იმუშავა და კანონით დაცული საიდუმლო ინფორმაციის გაჟონვა არ მომხდარა. მათი თქმით, ამ დროისთვის უსაფრთხოების სამსახურებთან ერთად მიმდინარეობს მუშაობა საიტის ფუნქციონირების აღსადგენად

„მონაცემთა ბაზების კომპრომეტაცია და კანონით დაცული ინფორმაციის გაჟონვა არ გამოვლენილა. ამჟამად სპეციალისტები, საინფორმაციო უსაფრთხოების სფეროს პროფილურ ქვედანაყოფებთან და სამართალდამცავ ორგანოებთან ერთად, ადგენენ თავდასხმის ვექტორს და ახდენენ საფრთხის წყაროების იდენტიფიცირებას“ -განაცხადეს როსსტატში