ილიაუნის სტუდენტები დილიდან განათლების სამინისტროსთან შეიკრიბნენ და შეგროვებული ათასობით ხელმოწერის შეტანას გეგმავენ
“ფლაერებს ვარიგებთ, გივი მიქანაძე განათლების მინისტრი გვყავს მოწვეული ილიას სახელმწიფო უნივერსიტეტში. განათლების რეფორმის შემოტანის შემდეგ უნივერსიტეტში ბევრი კითხვა გაჩნდა და გვაინტერესებს ამ კითხვებზე პასუხები. ამიტომ მნიშვნელოვანია, რომ გივი მიქანაძე მოვიდეს 18 ნოემბერს, 5:00 საათზე უნივერსიტეტში და გაგვესაუბროს.“ – ამბობს სტუდენტი
ილიას სახელმწიფო უნივერსიტეტის სტუდენტებმა გივი მიქანაძე საჯარო დისკუსიაში მონაწილეობის მისაღებად ოფიციალურად მიიწვიეს. სტუდენტები ითხოვენ ღია და საჯარო დისკუსიას ილიას სახელმწიფო უნივერსიტეტის სივრცეში, სადაც მიქანაძეს პირისპირ შეეძლება პასუხი გასცეს სტუდენტების შეკითხვებს.
სტუდენტების პროტესტი და უკმაყოფილება უკავშირდება უმაღლესი განათლების შესახებ რეფორმებს, კვოტების შემცირებას, დაფინანსების წესის ცვლილებებსა და უნივერსიტეტების ავტონომიურობის შეზღუდვის საფრთხეებს. მათი განცხადებით, განათლების პოლიტიკის დაგეგმვა და რეფორმების გატარება არ უნდა ხდებოდეს აკადემიური წრეებისა და სტუდენტების გვერდის ავლით.
Discussion about this post