აზიის განვითარების ბანკის დაფინანსებით საქართველოს რკინიგზა 70 მლნ დოლარად 10 ახალ სამგზავრო ელექტრომატარებელს შეიძენს
საქართველოს რკინიგზამ 10 ახალი, ოთხვაგონიანი სამგზავრო ელექტრომატარებლის შესყიდვაზე საერთაშორისო ტენდერი გამოაცხადა. პროექტის საერთო ღირებულება 70 მილიონი აშშ დოლარია და ის აზიის განვითარების ბანკის (ADB) დაფინანსებით ხორციელდება.
ტენდერის პირობების მიხედვით, თითოეული მატარებელი მინიმუმ 280 მგზავრზე იქნება გათვლილი, მოიცავს ბიზნეს, პირველ და მეორე კლასებს და სრულად იქნება ადაპტირებული შშმ პირებისთვის. როგორც კომპანიაში განმარტავენ, ეს შესყიდვა რკინიგზის 10-წლიანი განვითარების გეგმის ნაწილია.
Discussion about this post