TV PLAY
help@meganews.ge
კვირა, 22 ნოემბერი, 2026
  • კონტაქტი
meganews.ge
  • მთავარი გვერდი
  • ახალი ამბები
  • კატეგორიები
    • პოლიტიკა
    • საზოგადოება
    • სამართალი
    • ეკონომიკა
    • მსოფლიო
    • სპორტი
    • რელიგია
    • ამინდი
    • ჰოროსკოპი
No Result
View All Result
meganews.ge
კვირა, 22 ნოემბერი, 2026
  • მთავარი გვერდი
  • ახალი ამბები
  • კატეგორიები
    • პოლიტიკა
    • საზოგადოება
    • სამართალი
    • ეკონომიკა
    • მსოფლიო
    • სპორტი
    • რელიგია
    • ამინდი
    • ჰოროსკოპი
No Result
View All Result
No Result
View All Result
meganews.ge

„უეფას ერთა ლიგის ბოლო გათამაშება დიდი იმედგაცრუებით დასრულდა-ლევან კობიაშვილი

„უეფას ერთა ლიგის ბოლო გათამაშება დიდი იმედგაცრუებით დასრულდა-ლევან კობიაშვილი

„უეფას ერთა ლიგის ბოლო გათამაშება დიდი იმედგაცრუებით დასრულდა. გულდაწყვეტილი დარჩა თითოეული გულშემატკივარი, ვისთვისაც ფეხბურთი მხოლოდ სპორტი არ არის. ეს არის ემოცია, ერთიანობა და ხშირად ის განსაკუთრებული იმედი, რომელიც მთელი ქვეყნის განწყობას განსაზღვრავს.

იმედგაცრუებული ვართ ყველა, ვისაც ამ ბრძოლაში სხვა შედეგის იმედი ჰქონდა, ვისაც სჯეროდა, რომ ჩვენი გუნდი გაცილებით მეტს შეძლებდა და ამ გათამაშებას სხვაგვარი დასასრული ექნებოდა. ყველაზე რთული სწორედ ის არის, რომ ამ მოლოდინს საფუძველი ჰქონდა. სულ ცოტა ხნის წინ ამავე გუნდმა გვაჩვენა, რამდენად დიდი შესაძლებლობები აქვს და რამდენად დიდი ემოციების ჩუქება შეუძლია საკუთარი ქვეყნისთვის.

ფეხბურთს ახლავს რთული პერიოდები და ეს ჩვენი რეალობისთვის უცხო არ არის. თუმცა ყველაზე მნიშვნელოვანი სწორედ ასეთ დროს ვლინდება, რამდენად შეგვიძლია რეალობისთვის თვალის გასწორება, შეცდომების აღიარება და საკუთარი თავისგან უფრო მეტის მოთხოვნა. წარუმატებლობის მიზეზების სხვებში ძიება ყველაზე მარტივი გზაა, მაგრამ ცვლილებები მხოლოდ მაშინ იწყება, როდესაც თითოეული ჩვენგანი საკუთარ პასუხისმგებლობას აცნობიერებს.

პირადად ჩემთვის ეს შედეგი განსაკუთრებით გულდასაწყვეტია. მტკივნეულია იმის გააზრება, რომ სწორედ ამ გუნდის უმრავლესობა სულ ცოტა ხნის წინ იყო იმ უდიდესი საფეხბურთო ზეიმის მონაწილე, რომელმაც მთელი საქართველო გააერთიანა. ესენი არიან ადამიანები, რომლებმაც გვაჩუქეს დაუვიწყარი ემოციები, სიამაყის განცდა და რწმენა იმისა, რომ ერთად შეუძლებელი არაფერია. სწორედ ამიტომ არის დღევანდელი იმედგაცრუება კიდევ უფრო მძიმე. ჩვენ ვიცით, რისი გაკეთება შეუძლია ამ გუნდს და გვჯერა, რომ მისი შესაძლებლობები გაცილებით მეტია, ვიდრე ბოლო შედეგებმა გვაჩვენა.
ამ მატჩებმა დაგვანახა, რომ საერთო მიზნის მისაღწევად აუცილებელია თითოეული ადამიანის მაქსიმალური პასუხისმგებლობა, სწორი დამოკიდებულება, შეუპოვრობა, ყოველდღიური შრომა და ბოლომდე ბრძოლის სურვილი. გუნდურ წარმატებას თითოეული ადამიანის წვლილი ქმნის და როდესაც შედეგი არ მოდის, ყველამ უნდა შევძლოთ საკუთარ თავში იმ მიზეზების დანახვა, რომელთა შეცვლაც ჩვენს ძალებშია.

არავის უნდა ჰქონდეს განცდა, რომ საკუთარი ვალდებულება სრულად შეასრულა, როდესაც საერთო მიზანს ვერ მივაღწიეთ. სწორედ ახლაა დრო, საკუთარ თავს ყველაზე რთული კითხვები დავუსვათ, ვიყოთ გულწრფელები საკუთარ თავთან და არა მხოლოდ სიტყვებით, არამედ საქმით დავამტკიცოთ, რომ ამ შედეგის შეცვლა ერთად შეგვიძლია.

ახლა ყველაზე მნიშვნელოვანია, გუნდმა შეძლოს ამ მარცხის ღირსეულად მიღება, ტკივილის სწორ მოტივაციად გარდაქმნა და ახალი ენერგიით დაბრუნება. უნდა დავივიწყოთ წარუმატებლობა, მაგრამ არასდროს უნდა დავივიწყოთ ის გამოცდილება, რომელიც ამ პერიოდმა მოგვცა. მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა.
უნდა გვახსოვდეს, რომ ფეხბურთისგან მიღებული ყველაზე დიდი სიამოვნება მხოლოდ გამარჯვება არ არის — ეს არის გზა, რომელსაც ერთად გავდივართ, ბრძოლა, რომელსაც საერთო მიზნისთვის ვაგრძელებთ, და სიამაყე, რომელსაც საკუთარი ქვეყნის სახელით გვანიჭებს თითოეული წარმატება. ამ გზაზე ინდივიდუალურ შესაძლებლობებზე მაღლა ყოველთვის უნდა იდგეს გუნდი, საერთო პასუხისმგებლობა და ერთმანეთისთვის ბოლომდე ბრძოლის მზადყოფნა.

არასდროს უნდა დაგვავიწყდეს ჩვენი მაისურის მთავარი გზავნილი — „ძალა ჩემშია“ და ის სიტყვები, რომლებიც მხოლოდ სლოგანი არ არის და მთელი ქვეყნის ერთიანობას გამოხატავს — „მე ვარ საქართველო“. ამ სიტყვების მნიშვნელობა ყოველდღიურ დამოკიდებულებაში, ერთმანეთის მხარდაჭერასა და საერთო მიზნისთვის თავდადებაში უნდა გამოიხატებოდეს.

მინდა და მჯერა, რომ ახალი სანაკრებო ციკლიდან ჩვენი გუნდი შეძლებს დაკარგული ემოციების, ნდობისა და იმ განსაკუთრებული სიამაყის დაბრუნებას, რომელიც ასე ახლოს გვქონდა. გვჯერა ამ გუნდის, მაგრამ ამ რწმენას უნდა მოჰყვეს რეალური ცვლილებები, დაუღალავი შრომა და შედეგი. ჩვენი მიზანი მხოლოდ წარსული წარმატებების გახსენება არ უნდა იყოს. ჩვენ გვჭირდება ახალი წარმატებები და ახალი საფეხბურთო ზეიმი.
მადლობა უნდა ვუთხრათ იმ ადამიანებს, რომლებიც როგორც საქართველოს სტადიონებზე, ისე ქვეყნის ფარგლებს გარეთ, სხვადასხვა სტადიონის ტრიბუნებზე დაუღალავად და ერთგულად ქომაგობენ საკუთარი ქვეყნის ნაკრებს.

გულშემატკივარს აქვს უფლება, ელოდოს მეტს და იამაყოს თავისი ნაკრებით. ჩვენ კი გვაქვს პასუხისმგებლობა, გავამართლოთ ეს მოლოდინი.
წინ ახალი სანაკრებო ციკლია, ახალი გამოწვევებითა და შესაძლებლობებით. მჯერა, რომ ამ გუნდს კიდევ შეუძლია მთელი საქართველოს გაერთიანება ერთი დიდი მიზნის გარშემო — ევროპის ჩემპიონატის საგზურისთვის ბრძოლა და ჩვენი ქვეყნისთვის კიდევ ერთი დაუვიწყარი საფეხბურთო ისტორიის შექმნა. ჩვენმა გუნდმა იცის, რა შეუძლია. ახლა მთავარია, ეს კიდევ ერთხელ დავამტკიცოთ“ -წერს ფეხბურთის ფედერაციის პრეზიდენტი ლევან კობიაშვილი სოციალურ ქსელში გავრცელებულ განცხადებაში

გაზიარება
წინა პოსტი

გიგა ავალიანის საქმიდან გამოყოფილ ჯგუფური ძალადობის საქმეზე ირაკლი სულაბერიძე და დემეტრე კასრაძე სასამართლომ დამნაშავედ ცნო 

შემდეგი პოსტი

ხაშური-ბორჯომის გზაზე ავარიას 3 ადამიანი ემსხვერპლა

Discussion about this post

ნოემბერი 2026
ო ს ო ხ პ შ კ
 1
2345678
9101112131415
16171819202122
23242526272829
30  
« ოქტ    

კატეგორიები

  • ამინდი
  • ახალი ამბები
  • ეკონომიკა
  • ვიდეო
  • კულტურა
  • მედიცინა
  • მთავარი
  • მსოფლიო
  • პოლიტიკა
  • რეგიონები
  • რელიგია
  • საზოგადოება
  • საინტერესოა
  • სამართალი
  • სპორტი
  • ყველა სიახლე
  • ჰოროსკოპი

ტეგები

akademia metreveli SWIFT ავარია ავარია სამტრედიაში აჭარა ბათუმი–ახალციხის დამაკავშირებელი გზის ერთი ნაწილი ჩამოინგრა ბაქტერია თხილის პლანტაციებს ახმობს გოგირდის აუზები გორდი გურია გურიის სტიქია ელდარ ემიგრანტი თემურ ქათამაძემ შიმშილობა შეწყვიტა თუშეთი თხილის პლანტაციები იტალია კონკურენციის მეამა ნაგავი რიონისპირა სახლების რეაბილიტაცია სააგენტო საგამოფენო სივრცე გორდში სკვერი სამტრედიაში სოფლის ნობათი ტყითსარგებლობა უკანონო ქარელის საბავშვო ბაღში 3 წლის ბავშვს კარადა დაეცა ქართული კინო შენგელაია ხონი ხონის მერია

© 2025 meganews.ge - ახალი ამბები 'მეგანიუსი'

  • მთავარი გვერდი
  • ახალი ამბები
  • კატეგორიები
    • პოლიტიკა
    • საზოგადოება
    • სამართალი
    • ეკონომიკა
    • მსოფლიო
    • სპორტი
    • რელიგია
    • ამინდი
    • ჰოროსკოპი
No Result
View All Result

© 2025 meganews.ge - ახალი ამბები 'მეგანიუსი'