მაშველებმა ნანგრევებიდან 3 წლის თაიას 7 წლის დის ცხედარი ამოასვენეს . ამის შესახებ ინფორმაცია ჟურნალისტებს შს მინისტრმა სულხან თამაზაშვილმა დაუდასტურა. მისი თქმით, ამ დროისთვის სამძებრო სამუშაოები დასრულებულია. დღეს ნანგრევებიდან ამოასვენეს ბავშვების დედა, ნინო ჭელიძეც
ქვემო ფონიჭალაში გაზის აფეთქების შედეგად სადარბაზო დღეს დილით ჩამოინგრა. აფეთქება კორპუსის მეხუთე სართულზე მოხდა.
ფონიჭალაში სამძებრო-სამაშველო ოპერაცია დაახლოებით 12 საათის განმავლობაში მიმდინარეობდა. მანამდე მაშველებმა ნანგრევებიდან ხუთი ადამიანის ცხედარი ამოასვენეს, საიდანაც სამი ქალია, ერთი კაცი, ერთი კი ბავშვი. ცოტა ხნით ადრე კი საგანგებო სიტუაციების მართვის სამსახურის წარმომადგენლებმა ნანგრევებიდან 3 წლის თაია ცოცხალი ამოიყვანეს

Discussion about this post