დღეს საქართველოში გლოვის დღეა
19 ნოემბრის დილას ფონიჭალაში, საცხოვრებელი კორპუსის მეხუთე სართულზე გაზის აფეთქების შედეგად სადარბაზო ჩამოიშალა. მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო ჭელიძე და მისი 7 წლის ქალიშვილი ნუცა ფხალაძე; ვერიკო ვანიშვილი და მისი არასრულწლოვანი შვილი – არიანა; 54 წლის ლალი შიშმანაშვილი და ჯაბა საყევარაშვილი.
7 ადგილობრივიდან, რომლებსაც მაშველები ნანგრევებში 13 საათზე მეტ ხანს ეძებდნენ, მხოლოდ 3 წლის თაია ფხალაძე გადარჩა – ის მაშველებმა 8 საათიანი ძებნის შემდეგ უვნებელი იპოვეს.
დაღუპულთა ხსოვნის პატივსაცემად 22 ნოემბერი საქართველოში გლოვის დღედ გამოცხადდა. მომხდარ ტრაგედიასთან დაკავშირებით მოქალაქეებმა ადგილზე ყვავილები და სათამაშოები მიიტანეს.

Discussion about this post