სასკოლო ფორმების ყიდვა ნაღდი ფულით შეუძლებელი იქნება – შეძენა მხოლოდ უნაღდო ანგარიშსწორებით მოხდება ინფორმაციას BMG ავრცელებს. მათი ცნობით, სასკოლო ფორმების შეძენა სპეციალურად განსაზღვრულ რეალიზაციის პუნქტებში ან სამინისტროს მიერ ადმინისტრირებული ვებგვერდის საშუალებით ონლაინ იქნება შესაძლებელი. რეალიზაციის თითოეულ პუნქტში, სულ მცირე, ერთი საბანკო გადახდის ტერმინალი უნდა იყოს განთავსებული.
🔻 თუ რეალიზაციის პუნქტში ტერმინალი არ იქნება ან ტექნიკურად გაუმართავი აღმოჩნდება, ფორმის საფასურის გადახდა შესაძლებელი იქნება საბანკო გადარიცხვით, ასევე „საგანმანათლებლო რესურსების“ შესაბამის სახაზინო კოდზე თანხის ჩარიცხვით და რეალიზაციის პუნქტში წარდგენით.
სასკოლო ფორმების დაბრუნება ქარხნული წუნის ან ზომის შეუსაბამობის შემთხვევაში იქნება შესაძლებელი. მოსწავლის მშობელს ან კანონიერ წარმომადგენელს უფლება ექნება, საჯარო სკოლის დაწყებითი საფეხურის მოსწავლისთვის შეძენილი ან უფასოდ მიღებული სასკოლო ფორმის ტანსაცმელი გადაცვალოს ან დააბრუნოს მიღებიდან/შეძენიდან 14 კალენდარული დღის ვადაში.
Discussion about this post