Wizz Air-მა ბორტზე კისრის ბალიშის უფასოდ ატანა აკრძალა . ავიაკომპანიის მოქმედი წესების მიხედვით, ბალიში ხელბარგში უნდა მოთავსდეს. როგორც მათ ოფიციალურ ვებგვერდზეა აღნიშნული, თითოეულ მგზავრს ბორტზე უფასოდ შეუძლია აიტანოს ერთი ხელბარგი, რომლის მაქსიმალური ზომაც 40×30×20 სანტიმეტრია, წონა კი 10 კგ. ჩანთა მგზავრის წინა სავარძლის ქვეშ უნდა მოთავსდეს
ავიაკომპანიას ბორტზე უფასოდ ასატანი ნივთების სიაც განსაზღვრული აქვს და მასში კისრის ბალიში აღარ შედის. კომპანიაში განმარტავენ, რომ კისრის ბალიში ცალკე უფასო ნივთად აღარ ითვლება და თუ ბალიში ჩანთაში არ ეტევა და მგზავრი მას ცალკე ატარებს, შესაძლოა, ავიაკომპანიამ ის დამატებით ნივთად ჩათვალოს და შესაბამისი ზედმეტი ზომის ან ჭარბი ბარგის საფასურიც დააკისროს.
Discussion about this post