უახლოეს დღეებში ტრამპის წარმომადგენლები ჯერ მოსკოვში ჩავლენ, შემდეგ კი კიევში-ამის შესახებ უკრაინის პრეზიდენტმა, ვოლოდიმირ ზელენსკიმ სოციალურ ქსელში დაწერა:
„ახლახან შევხვდი იმ გუნდს, რომელიც აშშ-ის პრეზიდენტის წარმომადგენლებთან მოლაპარაკებებშია ჩართული. მათთან პრაქტიკულად 24/7-ზე ვართ კავშირზე და ახლა შეხვედრებისთვის ვემზადებით. სავარაუდო თარიღები უკვე განსაზღვრულია. ველით აშშ-ის პრეზიდენტის წარმომადგენლების ვიზიტს აქ, კიევში. მათ დაადასტურეს, რომ გამართავენ შეხვედრას მოსკოვში და კიდევ ერთს კიევში. ველით, რომ ეს უკანასკნელი უახლოეს დღეებში შედგება. ეს ძალიან მნიშვნელოვანია. მნიშვნელოვანია, რომ ამერიკა აქტიურად დარჩეს ჩართული. ჩვენ მზად ვართ მათთან შეხვედრისთვის უკრაინაში – სათანადოდ და არსებითად” -დაწერა ზელენსკიმ
Discussion about this post